Ұлттық тестілеу орталығы магистратураға түсуге арналған кешенді тестілеуге өтініш қабылдау қорытындысын жариялады. Үміткерлердің жалпы саны – 42 569.
Құжат тапсырғандардың басым бөлігі педагогикалық ғылымдарды таңдаған. Олардың үлесі – 42 пайыз.
Сондай-ақ, келесі кезекте инженерлік, өңдеу және құрылыс салаларын (6848) және бизнес, басқару және құқық салаларын (4968) таңдағандар көп.
"Кешенді тестілеудің күні, уақыты, орны туралы ақпарат жеке кабинетіңіздің "Менің іс-әрекетім" бөлімінде 18 шілдеде жарияланады. Тестілеуге қатысу үшін жеке басын куәландыратын құжаттың болуы міндетті", – делінген ҰТО хабарламасында.
Оқи отырыңыз: Магистратура мен докторантураға түсу бойынша 8 маңызды сұраққа жауап
Еске салайық, магистратураға түсуге арналған кешенді тестілеуге өтініштер 1 маусым мен 15 шілде аралығында қабылданған болатын.
