Қазақстандық түлектерге соңғы қоңырау форматын өздері таңдау ұсынылды

Қазақстандық түлектердің соңғы қоңырау форматын таңдау мүмкіндігі бар. Бұл туралы Орталық коммуникациялар қызметінде өткен брифингте Білім вице-министрі Наталья Жұмаділдаева айтты.

Ол Білім министрі Ғани Бейсембаев түлектерге соңғы қоңырауды ысырапсыз, сән-салтанатсыз, рухани адамгершілік деңгейінде жоғары мәдениетпен атап өтуді тапсырғанын атап өтті.

"2024 жылы біз түлектерді балалар бір аудиторияға жинай алатын естеліктер мен жылулыққа толы соңғы қоңыраудың жаңа форматын анықтауға шақырамыз. Біз оларға форматты өздері таңдай алатынын айттық.  Бұл 6-11 сыныпқа дейінгі квест, хакатон, қандайда бір пікірталас алаңы, ата-аналар және оқушылармен бірге өтетін кеш болуы мүмкін, яғни бұл форматты оқушылар өздері таңдайды", – деді Жұмаділдаева.

12-15 маусым аралығында Қазақстанда мектеп түлектеріне аттестат тапсыру рәсімдері өтеді. Колледж түлектері үшін қорытынды аттестаттау 28 маусымға дейін аяқталып, 28 маусым мен 1 шілде аралығында диплом тапсыру рәсімі өтеді.

2024 жылы 341 242 тоғызыншы сынып оқушысы 29 мамыр мен 10 маусым аралығында қорытынды аттестациядан өтуді жоспарлап отыр.

Оқи отырыңыз: "Менің соңғы қоңырауым". Танымал тұлғалар мектеппен қалай қоштасты?

11-сыныптар үшін қорытынды емтихандар 28 мамыр мен 11 маусым аралығында өтеді.

Су тасқыны салдарынан апатты жағдай жарияланған Ақтөбедегі тоғыз мектепте, Атырауда үш мектепте және Солтүстік Қазақстан облысында бес мектепте оқушылар аралық және қорытынды аттестациядан босатылғаны хабарланды.