Қазақстанда жүргізуші куәлігін алу, емтихан тапсыру және көлік құралдарын тіркеу қағидаларына бірқатар маңызды өзгеріс енгізілді. Жаңа талаптар азаматтарға рәсімдерді жеңілдетумен қатар, қауіпсіздік пен тәртіпті күшейтуге бағытталған. Ішкі істер министрлігі жаңа ереже тәртібін түсіндірді.
Емтихан тапсыру тәртібі қалай өзгерді?
Егер емтиханнан сүрініп қалсаңыз, келесі ретте қайта тапсыру мерзімі мынадай:
- теориядан: Бірінші реттен өте алмасаңыз, ертесіне (келесі жұмыс күні) қайта бағыңызды сынауға болады. Ал теориядан толық сүрінсеңіз, оны бір жылдан кейін ғана қайта тіркей аласыз;
- практикадан: Практикалық сынақтан өте алмай қалсаңыз, 10 күннен кейін қайта тапсыра аласыз. Алғашқы үш әрекетті төртінші күннен бастап қайта жасауға рұқсат етіледі, бұл ретте емтихан тапсыру санына шектеу қойылмайды;
- Теориядан сәтті өтіп, практикадан қиналсаңыз, 7 күн ішінде қайта келуге болады. Теория нәтижесі бір жыл бойы сақталатындықтан, оны қайта оқудың қажеті жоқ.
Маңызды ескерту: Емтихан кезінде шпаргалка немесе телефон қолданғандардың сынағы дереу тоқтатылады. Егер емтихан нәтижесімен келіспесеңіз, арнайы комиссияға (полиция, ХҚКО және автокөлік тіркеу орталықтары) апелляциялық шағым түсіре аласыз.
Оқи отырыңыз: Қай мұғалімдерге 73 525 теңге мөлшерінде қосымша ақы төленеді
Көлік тіркеу және рәсімдеу кезіндегі жеңілдіктер
Автокөлікті тіркеу кезінде де қолайлы жағдайлар қарастырылған:
- құжат тапсырғанда бірдеңе жетпей қалса немесе қате кетсе, өтінішті басынан бастап қайта толтырудың керегі жоқ. Қатені түзетуге немесе құжатты әкеліп беруге жарты сағат, ал арнайы нөмірге тапсырыс берілсе бір сағат уақыт беріледі;
- көлік құрылымына өзгеріс енгізілсе, оның қауіпсіздік талаптарына сай екенін растайтын куәлік міндетті түрде талап етіледі;
- көлікті тіркеу кезінде төленбеген жылдамдық айыппұлдары тексерілмейді;
- өз қолыңызбен жасаған тіркемені (прицеп) тіркеу үшін оның техникалық қауіпсіздік талаптарына сай екенін көрсететін куәлік болса жеткілікті.
Оқи отырыңыз:
Жолаушы әйел мен баласын балағаттаған такси жүргізушісі 7 тәулікке сотталды
Қазақстанда жүргізуші куәлігін алу тәртібі өзгереді. Жаңа ережелер қандай