Еңбек биржасынан жалақысы 500 мың теңгеден асатын жұмысты қалай табуға болады?

Ең жоғары жалақы ұсынатын өңірлер – Атырау облысы мен Нұр-Сұлтан, Алматы қалалары.

Еңбек министрлігі электронды еңбек биржасындағы жоғары жалақылы бос жұмыс орындары туралы ақпарат жариялады.  

Хабарламаға сәйкес, жалақы өңірлер мен мамандықтар бойынша әр түрлі болады. Мәселен, Атырау облысында ең жоғары еңбекақы ұсынылған. Өңірде өнеркәсіптік альпинистер үшін 824 мың теңге жалақы алатын 20 бос жұмыс орны орналастырылды.

Ал Нұр-Сұлтан және Алматы қалаларында, сондай-ақ Алматы және Шығыс Қазақстан облыстарында жұмыс берушілер мемлекеттік органдардағы құрылымдық бөлімшелердің басшыларына 500 мыңнан 730 мың теңгеге дейін жалақы ұсынады.

"Ең жоғары жалақы күтулері ғылыми қызметкерлер арасында байқалады – 2,7 млн теңге, бас директорлар – 2,3 млн теңге, авиация инженерлері – 1,6 млн теңге, кеніштер директорлары – 1,5 млн теңге және қосымшаларды әзірлеушілер-1,2 млн теңге. Бұл ретте жұмыс берушілер электронды еңбек биржасында еңбекақының жоғары мөлшерін мемлекеттік ұйымдардың басшыларына – 640 мың теңге, бас технологтар мен қаржылық тәуекел – менеджерлерге – 500 мың теңге ұсынады", – делінген Еңбек министрлігінің хабарламасында.


Оқи отырыңыз: Миллион теңгеден артық жалақы алу үшін қай мамандықтарды меңгерген жөн?


 

Читайте новости без рекламы. Скачайте мобильное приложение informburo.kz для iOS или Android.

Поделиться:

 Если вы нашли ошибку в тексте, выделите ее мышью и нажмите Ctrl+Enter

Серіктестер жаңалықтары