Қазақстанның оңтүстігінде ыстық +40...+46 градусқа дейін көтеріледі.
Синоптиктер Қазақстанда 25, 26 және 27 маусымда ауа райы қандай болатыны туралы болжам жасады.
"Қазгидромет" РМК синоптиктерінің мәліметінше, жақын күндері Иран аймақтарынан Қазақстан аумағына жылы ауа массалары кіре бастайды.
25-26 маусымда еліміздің батыс және солтүстік облыстарында жаңбыр, кей жерлерде нөсер күтілетініне қарамастан, 27 маусымға қарай аптап республиканың солтүстігіне жетеді.
"Қазақстанның солтүстігінде күндізгі температура +35...+38 градусқа дейін, оңтүстігінде ыстық +40...+46 градусқа дейін көтеріледі деп күтіледі", – делінген хабарламада.
