Доллар төмендеді: айырбастау пунктеріндегі бағам қандай

Қазақстан қор биржасындағы (KASE) күндізгі сауда қорытындысы бойынша доллардың орташа өлшенген бағамы 506,7 теңгені құрады. Бұл алдыңғы көрсеткішпен салыстырғанда 0,46 теңгеге төмен.

Қазақстан Ұлттық банкінің 21 қаңтарға белгіленген ресми доллар бағамы — 507,05 теңге.

Kurs.kz дерегінше, қазіргі уақытта Алматы қаласындағы айырбастау пунктерінде долларды сатып алу бағамы орта есеппен 506,63 теңге, сату бағамы 508,85 теңге деңгейінде қалыптасқан. Астанада долларды орта есеппен 506 теңгеден сатып алып, 513 теңгеден сатып жатыр. Ал Шымкенттегі айырбастау пунктерінде доллар 506,75 теңгеден сатып алынып, 508,9 теңгеден сатылып жатыр.