Тікелей эфир

Димаш Құдайберген 25 наурызда Дубайда жеке концерт береді

Билеттер 20 000 теңге мен 190 000 теңге аралығында сатылады.
Қазақстандық әнші Димаш Құдайберген 25 наурызда Біріккен Араб Әмірліктерінде жеке концерт өткізеді. Бұл туралы ол Instagram парақшасында хабарлады.

"Қымбатты достар! Менің инстаграм парақшам бұғатталып, өздеріңізбен біраздан бері байланысу мүмкін болмады. Мені іздеп жазған толассыз хаттарыңыз бен қолдауларыңыз үшін мың алғыс! Сіздерді қатты сағындым, құрметті достар! 25 наурызда екі жылдық пандемиядан кейін Дубай қаласындағы Coca Cola аренада өтетін үлкен жеке концертімнің өтетіндігін хабарлаймын. Билеттер – сторис пен профиль сілтемесінде. Көріскенше, достар!" – деп жазды Димаш Құдайберген.          

Билеттер Coca-Cola Arena сайтында сатылып жатыр. Бағасы: 20 000 теңге (175 дирхам) мен 190 000 теңге (1600 дирхам) аралығында. Көрермендерден вакцина алғанын дәлелдеу талап етілмейді. Электронды билет концерт өтетін күннен 7 күн бұрын жіберіледі. Концерт жергілікті уақыт сағат 20.00-де басталады және көрермендер маска тағуға міндетті. 

Сайтта Димаш Құдайбергеннің танымал қазақ әншісі және әндердің авторы, бірнеше марапат иегері екені, осыған дейінгі концерттеріне қанша адам жиналғаны жазылған. 

"Нағыз халықаралық артист. Ол кем дегенде 13 тілде ән шырқайды. Димаш әлемнің әртүрлі композиторларымен бірлесе нағыз музыкалық шығармаларды дүниеге әкелді", – делінген сайтта.

Дубайдағы Coca-Cola Arena-да бір уақытта 17 000 мың адам концерт тамашалай алады.

Посмотреть эту публикацию в Instagram

Публикация от Dimash Kudaibergen (@kudaibergenov.dimash)

Біздің Telegram-каналдағы ең көп оқылған жаңалықтар
Серіктестер жаңалықтары