Білім гранты иегерлері грант туралы куәлікті Ұлттық тестілеу орталығының ресми сайтынан жүктеп ала алады. Ол үшін грант иегері жеке сәйкестік номері мен тест тапсырушының жеке кодын білуі қажет.
Тест тапсырушының жеке кодын грант конкурсына қатысуға ұсынылған ҰБТ сертификатынан қарап білуге болады.
Жоғары оқу орындарына құжаттарды 25 тамызға дейін тапсыруға болады.
Оқи отырыңыз: 2022 жылғы білім гранты иегерлерінің тізімі жарияланды
Биыл халықтың әлеуметтік осал топтарына бөлінетін гранттар саны көбейтілді. Яғни, көпбалалы немесе толық емес отбасылардан шыққан балалар, сондай-ақ ерекше білім беру қажеттіліктері бар балаларды тәрбиелеп отырған отбасылардан шыққан балалар грант алуда басым мүмкіндікке ие болды. Сондай-ақ, ауыл балалары және ҚР азаматтығы жоқ ұлты қазақ азаматтар үшін де квоталар көзделген.
