Бас мүфти Наурызбай қажы Тағанұлы Шымкентте зиялы қауым өкілдерімен кездесуінде өңірдегі той өткізу әдебіне қатысты пікір білдірді, деп хабарлады ҚМДБ баспасөз қызметі.
"Тойда қариялар алдында түрлі қылық көрсетіп, анайы билеу, әдепсіз ойындардың ұйымдастырылуы сіз бен бізді бей-жай қалдырмасы анық. Осы ретте тойды ұйымдастырушы азаматтарға айтарым: қуанышты бөлісудің өзіндік әдебін сақтасақ", – деді Наурызбай қажы Тағанұлы.
Оқи отырыңыз:
- "Той қуалайтын емес, ой қуалайтын кезең". Тоқаев сұхбатындағы 10 өзекті ой
- "Қонақты ру мен жүзге бөлу дұрыс емес". Қазақстанда той мәдениеті неге ақсап тұр?
- Қазақ баласы тойға қанша қаржы жұмсайды немесе ынсапсыз асабалар туралы
Бас мүфти, сондай-ақ шымкенттік зиялы қауым өкілдерін осы мәселені өз орталарында айта жүруге шақырды.
"Ел ішінде ас беру мен зират көтеруде ысырапқа жол беріп жатқан жандар аз емес. Осы мәселеге де қарияларымыз назар аударып, қоғамның қаперіне сала жүрсе. Зәулім кесене тұрғызуға, аста-төк ас беруге жұмсалған артық шығын қайырымдылыққа, халықты ағарту ісіне берілсе, нұр үстіне нұр болар еді", – деді ҚМДБ төрағасы.
