Астанада жылу энергиясы тапшы: Дефицитті үшінші ЖЭО ғана жоя алады

Энергетика министрі елордадағы 2 ЖЭО қаланың жылуға деген қажеттілігін өтей алмайтынын хабарлады.

Жылу энергиясының тапшылығын жабу үшін үшінші жылу электр орталығын пайдалануға енгізу қажет, деп мәлімдеді энергетика министрі Болат Ақшолақов үкімет отырысында.

Министр Нұр-Сұлтан қаласы бойынша энергия көздерін дайындау бекітілген графикке сәйкес жүргізіліп жатқанын атап өтті. Жоспардың 80 пайызы орындалған.

Сонымен қатар министр елордадағы 2 ЖЭО қаланың жылуға деген қажеттілігін өтей алмайтынын хабарлады. Бірінші ЖЭО №5 қазандығы жоспар бойынша 98 пайыз дайын болу керек болса, оның дайындығы қазір 32 пайыз деңгейінде ғана. Ал 2-ЖЭО №5 қазандығының дайындық үлесі 45 пайыз (жоспар бойынша 63 пайыз болуы тиіс).

"Сонымен қатар, бүгінгі таңда әкімдіктің ақпараты бойынша жылу энергиясының тапшылығы сағатына 346 Гкал құрайды. Өсіп келе жатқан дефицитті жабу үшін үшінші ЖЭО пайдалануға беруді жеделдету қажет", – деді министр.


Оқи отырыңыз: Қарағандыдағы қыздар интернатында жылу мен ыстық су жоқ


 

Читайте новости без рекламы. Скачайте мобильное приложение informburo.kz для iOS или Android.

Поделиться:

 Если вы нашли ошибку в тексте, выделите ее мышью и нажмите Ctrl+Enter

Серіктестер жаңалықтары