Алматыда жарық өшіп қалуына байланысты "Медеу – Шымбұлақ" аспалы жолы уақытша тоқтап қалды, деп хабарлады тау шаңғысы курортының баспасөз қызметі.
Әлеуметтік желіде кабинада бір сағаттай қалып қойған жолаушылардың видеолары тарады.
Посмотреть в Threads
Курорт өкілдері қазір қосалқы генераторды қосып, жұмысты қайта жандандырғандарын айтты.
"Келушілерді төменге түсіру барлық қауіпсіздік ережелеріне сай, қалыпты режимде жүріп жатыр. Жағдай толық бақылауда. Зардап шеккендер де, қаза тапқандар да жоқ", – делінген хабарламада.
Ал курортта жүрген демалушылардың айтуынша, аспалы жолдың маңында төменге түсуге ұзын-сонар кезек пайда болған.
Оқи отырыңыз: Жарықтың жаппай өшуі: Алматы әкімдігі тұрғындарға үндеу жасады
Бүгін, 14 тамызда Алматы мен Қазақстанның өзге де қалаларында жарық жаппай өшіп қалды. Мұндай жағдай Қырғызстан, Тәжікстан мен Өзбекстанда да тіркелді.