Алматыда балалар үйлері тәрбиеленушілеріне танымал музыканттар дәріс оқыды

Фото: Informburo.kz
Фото: Informburo.kz

Шара заманауи өнерді қолдауға арналған Qazaqstan оneri жобасы аясында ұйымдастырылды.

"Қазақстан өнері" жобасы аясында Алматы балалар үйлерінің тәрбиеленушілеріне заманауи суретшілер тегін шеберлік сыныптарын өткізіп жатыр. Бұл жобаға танымал музыканттар да атсалысып, Қазақстанның еңбек сіңірген артисі, скрипкашы Жәмилә Серкебаева мен опера әншісі Зарина Алтынбаева да балаларға дәріс оқыды.

Фото: Informburo.kz

Lotte Rakhat компаниясы қолдауымен жүзеге асырылған жобаға барлығы 30 бала қатысты. Олар мұнда көркемсурет шеберлігі бойынша тегін білім алды. Сабақ кестесі міндетті мектеп бағдарламасына кедергі келтірмейтіндей және санитарлық қауіпсіздік талаптары ескеріліп түзілген.

"Qazaqstan Oneri жобасы біздің еліміздің мәдени дәстүрлерін дамытуға бағытталған. Бұл бастама арқылы біз балалардың заманауи және классикалық өнерге жақын болуға көмектесіп, отандық суретшілер мен олардың өнерімен таныстыруды мақсат еттік", – деді  "Лотте Рахат" АҚ басқарма төрағасы Константин Федорец.

Фото: Informburo.kz

"Қазақстан өнері" Қазақстандағы заманауи суретшілерді қолдау жобаларын біріктіреді. Жоб аясында компанияның шоколад өнімдерінің қаптамасына Асқар Есдәулет, Қазақбай Әжібекұлы, Ержан Танай, апалы-сіңлілі Ғалия мен Бота Құсайыновалар, Оразбек Есенбаев, Арыстанбек Шалбаев сынды қазақстандық заманауи суретшілердің туындылары бейнеленген. Сондай-ақ, 2020 жылы дүкен сөрелерінде жас суретші Әйгерім Кәрібаеваның иллюстрациясы бейнеленген өнімдер пайда болса, 2019 жылы атақты суретші Мұрат Ділманов кеуекті шоколад пен Алматы кәмпиттер жиынтығының дизайнын жасады.

Читайте новости без рекламы. Скачайте мобильное приложение informburo.kz для iOS или Android.

Поделиться:

 Если вы нашли ошибку в тексте, выделите ее мышью и нажмите Ctrl+Enter

Серіктестер жаңалықтары