Мектепке жұмысқа тұру үшін енді дипломға қоса біліктілік сертификаты талап етіледі

Үміткерлер кәсіби шеберлік бойынша сертификаттаудан өтеді.

Бұл туралы Білім және ғылым министрі Асхат Аймағамбетов ведомствоның кеңейтілген алқа отырысында мәлімдеді:

"Педагогтерді жұмысқа қабылдау енді конкурс арқылы нақты біліктілік көрсеткіштеріне сәйкес жүргізіледі. Біз оны электронды форматқа көшіреміз. 2021 жылдан бастап педагогикалық мамандық бойынша алғаш рет жұмысқа тұратын үміткерлер кәсіби шеберлігі бойынша сертификаттаудан өтеді. Яғни, енді дипломға қоса біліктілік алу міндетті енгізіледі".

Министр 2020 жылдан бастап педагог кадрларды даярлау деңгейін арттыру мақсатында ЖОО-ға қабылдау талаптары күшейгенін айтты. Педагогикалық мамандыққа оқуға түсу үшін ҰБТ шекті балы 75-ке дейін көтерілген. Болашақ педагогтерді ынталандыру үшін студенттердің шәкіртақысы 42 мың теңгеге артты. Асхат Аймағамбетовтың сөзінше, мұндай шаралар мұғалім мамандығына мықты кадрлардың келуін қамтамасыз етеді.

Сондай-ақ, Президент Қасым-Жомарт Тоқаевтың тапсырмасымен 2024 жылға қарай педагогтердің жалақысы екі есеге артады. Бұл мектептерді кадрлармен толық жабдықтауға мүмкіндік береді.


Оқи отырыңыз: Педагогтердің еңбек демалысы 56 күнге ұзарады. "Педагог мәртебесі туралы" заң тағы қандай әлеуметтік кепілдіктер ұсынады?


 

Жаңалықты жарнамасыз оқыңыз. iOS және Android жүйесіне арналған informburo.kz мобильді қосымшасын жүктеңіз.

Тарату:

  Егер мәтінде қате болса, оны белгілеп, Ctrl+Enter батырмасын басыңыз

  Егер мәтіндегі қатені смартфонда көрсеңіз, оны белгілеп, «Қатені хабарлау» батырмасын басыңыз

Біздің Telegram-каналдағы ең көп оқылған жаңалықтар

Серіктестер жаңалықтары