"Борат-2" атауы ең ұзақ фильм ретінде Гиннес рекордтар кітабына енді

2 сәуір 2021, 10:12 Назерке Абибулла Авторға хат жазу قازاقشا Qaz

2021 жылы бұл кинокартина "Алтын глобусты" жеңіп алған болатын.

Саша Барон Коэн басты рөл сомдаған "Борат 2" фильмі "Оскар" киножүлдесі тарихындағы атауы ең ұзақ фильм ретінде Гиннес рекордтар кітабына енді, деп хабарлады zakon.kz. Фильмнің толық атауы – "Borat Subsequent Moviefilm: Delivery of Prodigious Bribe to American Regime for Make Benefit Once Glorious Nation of Kazakhstan".

Бұған дейінгі рекорд 1965 жылы экранға шыққан "Those Magnificent Men in Their Flying Machines or How I Flew from London to Paris in 25 hours 11 minutes" картинасына тиесілі.

Оқи отырыңыз: "Оскар-2021" номинанттары белгілі болды. "Манк" фильмі тоғыз номинация бойынша үміткер

15 наурызда "Борат-2" фильмі "Оскар-2021" сыйлығына номинанттар тізіміне енді. Картина "Үздік бейімделген сценарий" және "Екінші пландағы үздік актриса" номинацияларына ұсынылды.

1 наурызда "Борат 2" фильмі получил "Алтын глобус" сыйлығын алды.

29 қазанда қазақстандықтар Алматыдағы АҚШ Бас консулдығы алдында пикет ұйымдастырып, наразылық танытты.

23 қазанда бір топ алматылық АҚШ Бас консулдығы алдына келіп, дипломаттарға "Бораттың" екінші бөлімін көрсетуге қарсы петицияны табыстады. Олар актер Саша Барон Коэннан қазақстандықтардан кешірім сұрауын, "Қазақстанның ұлттық қауіпсіздігіне тигізген зардабына қатысы болғаны" үшін жауапқа тартуды талап етті.

Оқи отырыңыз: "Алтын глобус" – 2021. "Борат-2" фильмі үздік комедия номинациясын жеңіп алды

2006 жылы британ комигі Саша Барон Коэннің "Борат" фильмі жарыққа шықты. Кинокартина Америка туралы деректі фильм түсіріп жүрген Қазақстаннан шыққан журналист туралы.