Байқау 2021 жылдың 21 маусымы мен 30 тамызы аралығында өтеді.
Елбасы кітапханасы қазақтың ұлы ақыны, дана ойшылы, қазақ классикалық жазба әдебиетінің негізін қалаушы Абай Құнанбаевтың шығармашылығына арналған "Абай оқулары" жыл сайынғы әдебиет байқауын жариялады. Мақсат – Абайдың әдеби мұрасын насихаттау, қазақстандық жастардың оқу мәдениетін, әдеби талғамын қалыптастыру.
Әдебиет байқауының шарттары:
- Абайдың кез келген өлеңін қазақ, орыс, ағылшын және басқа тілдерде мәнерлеп оқыған сәтін видеоға түсіру;
- Түсірілген видеоныFacebook немесе Instagram әлеуметтік желісінде #біздіңАбай, #Абайәдебиетэстафетасы, #ЕлбасыкітапханасыАбай хэштегтерімен жариялау.
"Абай оқулары" 2021 жылдың 21 маусымы мен 30 тамызы аралығында өтеді. Байқау қорытындысы бойынша мәнерлеп оқудан үздік оқушылар құнды сыйлықтармен марапатталады.
Оқи отырыңыз:
- "Абай – рухани реформатор" атты президент мақаласындағы 6 өзекті ой
- Абайдың ата қонысы – Жидебайдың келбеті. Фоторепортаж
- Абай – бар болғаны бір-ақ кітап. Бірақ, оған бүкіл қазақтың болмысын сыйдыра білген
- Абай қандай қазақты көргісі келді?
