Украинаның Қорғаныс министрі Алексей Резников елдің толық қорғаныс режиміне көшетінін мәлімдеді. 

Ол қару алу үшін аймақтағы аумақтық қорғаныс күштерінің бригадалары мен батальондарына жүгіну керек екенін айтты. Қару алғысы келген адамның қолында төлқұжат болса жеткілікті. 

"Құрметті, әріптестер-отандастар! Жау шабуылдап жатыр, бірақ біздің әскеріміз берік. Украина толық қорғаныс режиміне көшеді. Қару ұстай алатын және қолына қару алуға дайын адамдар дәл қазір өз өңіріндегі Украинаның аумақтық қорғаныс күштерінің қатарына қосыла алады", – деп жазды ол Facebook желісінде. 

Сондай-ақ, Украина Ұлттық полициясының басшысы Игорь Клыменко Ұлттық полицияның аймақтардағы бас департаменттері басшыларына елді қорғауға дайын ішкі істер органдарының ардагерлеріне қару-жарақ беру туралы бұйрық берді.

Оқи отырыңыз: