29 мамырда Cessna C501 шағын ұшағы Теннесидің солтүстігіндегі көлге құлаған болатын.
"Тарзан: шытырман оқиғалар" (Tarzan: The Epic Adventures, 1996-2000) телехикаясында басты рөлде ойнаған америкалық актер Джозеф Лара ұшақ апатынан қаза тапты. Бұл туралы Резерфорд округы әкімшілігінің сайты жариялады.
Тass.ru хабарлануынша, Cessna C501 шағын ұшағы сенбіде штаттың солтүстігіндегі көлге құлап, жеті адам қаза тапты. Билік анықтағандай, олардың арасында Лара, оның әйелі Гвен Шамблин де болған.
Теннессиден Флоридаға беттеген ұшақ әуеге көтерілгеннен кейін көп ұзамай құлаған. Себептері әлі белгісіз. Оқиғаға байланысты тергеу басталды.
Джозеф Лара "Малибу құтқарушылары" (Baywatch, 1989-2001) және "Конан" (Конан, 1997-1998) телехикаяларында ойнаған.
