Мемлекет басшысы Қасым-Жомарт Тоқаев 2020 жылғы жолдауында "Аңсаған сәби" бағдарламасын бастап, экстракорпоралдық ұрықтандыруға квота санын жеті есеге көбейтіп, 7 мыңға жеткізуді тапсырған болатын. Бұл мақсатқа республикалық бюджеттен 6 млрд теңгеден астам қаражат бөлінген.
Ал оған дейін экстракорпоралдық ұрықтандыру процедурасы тек тегін медициналық көмек көлемінде жүргізілетін еді. Алайда, қаржыландыру көлемі аз болғандықтан, жылына шамамен 900–1000 квота ғана бөлінді.
Informburo.kz бағдарламаға қатысу жолдарын түсіндіреді.
№1. Бағдарламаға кімдер қатыса алады?
Бағдарлама бедеулік диагнозы қойылған пациенттерге арналған. Оған отбасылық жұптар да, жеке адамдар да қатыса алады. Қазақстанның азаматы болуға тиіс және денсаулық сақтау министрлігі белгілеген медициналық талаптарға сәйкес келуі керек. Сондай-ақ, бағдарламаға қатысатын адам міндетті түрде ерікті түрде жазбаша келісім береді.
Олар:
- репродуктивті жас – 18-ден 49 жасқа дейін;
- қалыпты соматикалық және эндокриндік көрсеткіштер;
- жоғары фолликулярлық резерв.
№2. Қандай жағдайда квота берілмеуі мүмкін?
Мамандар үміткерді медициналық тексерістен өткізгеннен кейін экстракорпоральды ұрықтандырудан бас тартуы да мүмкін. Ондай бірнеше мәселе ескеріледі.
- жатырдың туа біткен немесе жүре біткен ауытқулары;
- соматикалық және психикалық бұзылулар;
- аналық без ісіктері, жедел қабыну және кез-келген локализация онкологиясы;
- денедегі қатерлі өскіндер;
Оқи отырыңыз: "Бедеулікті емдеудің ең тиімді жолы – ЭКО". "Аңсаған сәби" аясында тұңғыш нәресте дүниеге келді
№3. ЭКО-ға жолдама қалай беріледі?
Бағдарлама аясында ЭКО-ға жолдама алу үшін алдымен тіркелген жері бойынша емханаға бару міндетті. Сол жерде үміткерді бедеулігі бар диспансерлік пациенттердің электрондық тізіміне қосады. Одан кейін тексерістен өтеді.
12 айдың ішінде емхана бейінді маманның қорытындысы негізінде пациенттің құжаттарын жоғары технологиялық медициналық қызметтер жөніндегі жергілікті комиссияға жібереді. Комиссия оң шешім шығарған жағдайда әйелді "Емдеуге жатқызу бюросы" порталына тіркеп, емшараға дайындық басталады.
Пациент экстракорпоралды ұрықтандыру клиникасын өзі таңдайды.
"Аңсаған сәби" бағдарламасы бойынша экстракорпоральды ұрықтандыру процедурасы жылына бір рет тегін жасалады.
№4. Жылына неше рет тегін ЭКҰ жасатуға болады?
МӘМС бойынша ЭКҰ процедурасынан жылына бір рет тегін өтуге болады. Талпынысыңыз сәтсіз аяқталған жағдайда қайтадан кезекке тұрасыз.
Оқи отырыңыз: Жыл басынан бері 2 300-ден астам әйел "Аңсаған сәби" жобасына қатысты
№5. Биыл қанша квота бөлінген?
2022 жылы Әлеуметтік медициналық сақтандыру қоры алдын ала есептелген сомасы – 6,68 млрд теңге. Оған 7 000 ЭКҰ циклын қаржыландыруды көзделген.
Бірінші тоқсанның қорытындысы бойынша 824,6 млн теңгеге 835 экстракорпоралдық ұрықтандыру жасалған.
Бұл алдыңғы жылдарға қарағанда әлдеқайда көп: 2020 жылдың бірінші тоқсанында барлығы – 59 ЭКҰ, 2021 жылдың бірінші тоқсанында 526 цикл шығарылды.
№6. Қанша ұйым жасайды?
Еліміздің 9 өңірінде 19 медициналық ұйым ЭКҰ қызметін ұсынады. Оның 18-і – жекеменшік ұйым.
№7. Клиниканы өз бетінше таңдауға бола ма?
Пациент экстракорпоралдық ұрықтандыру үшін клиниканы өз бетінше таңдауға құқылы.
ЭКҰ қызметтерін көрсететін жеткізушілердің тізімімен Қордың ресми сайтында "Науқас үшін" бөлімінде, әрі қарай "Клиника таңдау" батырмасын басу арқылы танысуға болады.
Оқи отырыңыз: Алматыда биыл 845 адам квотамен ЭКО жасата алады
№8. Бағдарлама қашанға дейін жалғасады?
"Аңсаған сәби" бағдарламасы 2025 жылға дейін жалғасады. Соның аясында жыл сайын 7 мың квота бөлініп тұрады. Үміткерлерге донорлық аналық және аталық ұрықты пайдалануға мүмкіндік беріледі.
