Үндістанның Уттар-Прадеш штатында нөсер жаңбыр салдарынан кемінде 62 адам қаза тапты. Тағы 46 адам зардап шегіп, мыңға жуық үй бүлінген. Бұл туралы Associated Press хабарлады.
Елдің солтүстігінде нөсер жаңбыр үшінші күн қатарынан жауып жатыр. Қатты жауын-шашын салдарынан су тасқыны болып, елді мекендерді су басты.
28 қыркүйекте штаттың кейбір аудандарында мектептер уақытша жабылды. Құтқарушылар су басқан аумақтардағы тұрғындарды қауіпсіз жерлерге эвакуациялап жатыр. Тұрғындарға су басқан аумақтарға бармауға, ағысы қатты өзендерден, бұлақтардан және су ағатын арналардан аулақ болуға кеңес берілді.
Аймақтық метеорологиялық орталықтың мәліметінше, штат астанасы Лакхнауда жауын-шашын бүгіннен бастап азая бастайды. Алайда штаттың шығыс және батыс аудандарында 29 қыркүйекке дейін жаңбыр жаууы мүмкін. Су тасқыны Үндістанның Одиша штатында да болды. Онда 75 мыңнан астам адам қауіпсіз жерге көшірілді.
Қолайсыз ауа райы көршілес Непалға да әсер етті. Ұлттық апаттарды басқару агенттігінің мәліметінше, елде 21 адам қаза тауып, бес адам хабар-ошарсыз кеткен. Тағы бес адам жарақат алған.
Су тасқыны мен көшкін салдарынан Непалда 194 үй бүлінген.
Непалдағы жойқын су тасқыны: 750 адам қаза болып, мыңдаған адам жоғалды
Шарыннан ұшқан құс Үндістанға жетіп өлді. Зоологтар тазқараның популяциясына алаңдаулы