Ұлттық киноны қолдау орталығы енді фильмдерді қазақша дубляждауға қаржы бөледі

Мұндай қолдау балаларға арналған және отбасымен көретін фильмдерді дубляждауға көрсетіледі.

Мәдениет және спорт министрлігі Ұлттық киноны қолдау орталығының қызметіне бірқатар өзгерістер енгізуді жоспарлап отыр. Өзгерістер жобасы Ашық НҚА порталында қоғам талқысына ұсынылды.

Жобаға сәйкес, енді ұлттық орталық Қазақстан аумағына əкелінетін балалар анимациялық фильмдері мен отбасымен көруге арналған фильмдерді қазақ тілінде дубляждауды қаржыландыруды жүзеге асырады.

Сондай-ақ, ұлттық орталықтан қолдау алатын кино түсірушілердің үлес салмағы да айқындалды. Атап айтқанда, Ұлттық киноны қолдау орталығы бөлетін қаржының жалпы мөлшерінің 35 пайызы мемлекеттік мекемелерге беріледі. Бұл ретте қаражат ұлттық фильмдер мен ұлттық фильм деп танылуға үмітті фильмдерді қаржыландыру үшін ғана жұмсалады.


Оқи отырыңыз: 


Қаржы алатын киножобаларды Ұлттық киноны қолдау мемлекеттік орталығының жанындағы сараптама кеңесі айқындайды. Қаулы жобасындағы өзгерістерге сәйкес, кеңес құрамы толықтай жаңарады. Кеңеске мүше болуға келесі тұлғалар ұсынылған:

  • Ләззат Жүнісова – "Хабар" агенттігі" АҚ басқарма төрағасының бірінші орынбасары;
  • Әубәкір Сүлеев – Қазақ ұлттық өнер университетінің Кино және ТВ факультетінің  деканы;
  • Кәрім Қадырбаев – киносыншы.

Бұрын сараптама кеңесіне мүше болған Дүнгенбаева Салтанат, Смағұл Елубай және Ләззат Танысбай өз қалауымен кеңестен шығу жөнінде шешім қабылдаған. 

Жаңалықты жарнамасыз оқыңыз. iOS және Android жүйесіне арналған informburo.kz мобильді қосымшасын жүктеңіз.

Бөлісу:

  Егер мәтінде қате болса, оны белгілеп, Ctrl+Enter батырмасын басыңыз

  Егер мәтіндегі қатені смартфонда көрсеңіз, оны белгілеп, «Қатені хабарлау» батырмасын басыңыз

Серіктестер жаңалықтары