Түркістан облысы Созақ ауданындағы Баба Түкті Шашты Әзіз кесенесі толық жаңғыртудан өтіп, пайдалануға берілді. Жаңғырту жұмыстарына 330 млн теңге қаржы жұмсалған. Бұл туралы Түркістан облысы әкімінің баспасөз қызметі хабарлады.
Салтанатты шараға зиялы қауым өкілдері, ардагерлер мен тұрғындар қатысты. Қонақтар кесенені аралап, атқарылған жұмыстармен танысты. Ауыл ақсақалдары ақ баталарын беріп, елдің амандығы мен бірлігін тіледі.
Құмкент ауылынан оңтүстікке қарай үш шақырым жерде орналасқан Баба Түкті Шашты Әзіз кесенесі XVIII ғасырдан бастау алатын тарихи-мәдени мұра нысаны саналады. Ол "Қазақстанның киелі жерлерінің географиясы" жобасы аясындағы 100 ұлттық қасиетті нысанның қатарына енген.
Жоба аясында кесенемен қатар қонақүй, асхана және кесене қараушысының үйі жөнделіп, зияратшыларға қолайлы жағдай жасалды. Қалпына келтіру жұмыстары ғылыми-реставрациялық құжаттама негізінде жүргізілді.
Түрленген Түркістан: "Таза Қазақстан" бағдарламасы өңірді қалай өзгертіп жатыр
Ясауи кесенесі қабырғаларының тұздану себептерін зерттеу 2026 жылы аяқталады