Үкімет облыстағы ахуалды бақылауға алды.
Президент Қасым-Жомарт Тоқаев Жамбыл облысының әкімі Ербол Қарашөкеев пен Төтенше жағдайлар министрі Шыңғыс Әріновтің өңірдегі жер сілкінісінен кейінгі ахуал бойынша баяндамаларын тыңдады, деп хабарлады Ақорданың баспасөз қызметі.
"Мемлекет басшысы премьер-министр Олжас Бектеновке әлеуметтік нысандар мен тұрғын үйлерді қалпына келтіру және жөндеу жұмыстарын жүргізу үшін қажетті көмек көрсетуді тапсырды. Үкімет облыстағы ахуалды бақылауға алды", – делінген Ақорданың хабарламасында.
Еске салайық, бүгін, 28 наурызда Жамбыл облысында екі мәрте жер сілкінді.
Оқи отырыңыз: Жамбыл облысында тағы 5 балдық жер сілкінісі болды