Оның үстінен Қылмыстық кодекстің "Адам өлтіру" бабы бойынша қылмыстық іс қозғалды.
Қарағанды облысының Теміртау қаласында ата-анасын өлтірді деген күдікпен 20 жастағы жігіт ұсталды. Бұл туралы облыстық полиция департаментінің баспасөз қызметі хабарлады.
7 қазанда Республика даңғылындағы пәтерлердің бірінен 52 жастағы ер адам мен 49 жастағы әйелдің мәйіті табылған.
Осы дерек бойынша Қылмыстық кодекстің 99-бабы ("Адам өлтіру") бойынша қылмыстық іс қозғалды.
"Жедел-іздестіру іс-шаралары барысында полиция қызметкерлері қаза тапқандардың 20 жастағы ұлын анықтап, қылмыс жасады деген күдікпен ұстады", – делінген полиция хабарламасында.
Күдікті уақытша ұстау изоляторына қамалды. Қазір тергеу амалдары жүргізіліп жатыр.
Қазақстанда әскери қылмыстардан зардап шеккендер саны 2,5 есе өсті
Мешітте балаларды ұрған мұғалімнің үстінен қылмыстық іс қозғалды