Таразда 15 жастағы оқушы қызбен жыныстық қатынасқа түсті деген сарбаз қамауға алынды

Таразда тағы бір жасөспірім қыз жүкті болып қалды6 деп хабарлады 31 арнаның Информбюро ақпараттық бағдарламасы.

15 жастағы оқушымен жыныстық қатынасқа түсті деген күдікпен ұлттық ұланның сарбазы қамауға алынды. Тәртіп сақшылары іс қозғап, оқиғаның мән-жайын анықтауға кірісті. 

Аталған дерек ювеналдық полиция қызметкерлерінің кезекті тексеріс барысында анықталған. Кәмелет жасына толмаған қызды қатардағы жауынгердің қанша жылдан бері қорлап келгені әзірге белгісіз. Бұл жайттан білім басқармасы да бейхабар болып шықты. Сондықтан азғындық дерек туралы құқық қорғау органдарына дер кезінде хабарламаған жағдай бойынша да тергеу басталған. 

Айта кетейік, соңғы жылдары Жамбыл облысында зорлау деректері күрт артқан.