7 желтоқсан күні сағат 08:40 шамасында Самара–Шымкент тасжолында ірі жол-көлік оқиғасы тіркелді. Бұл туралы облыстық Полиция департаментінің баспасөз қызметі хабарлады.
Оқиға Әйтеке би ауданына қарасты Ұлғайсын ауылы маңында болған. Алдын ала мәлімет бойынша, Қарабұтақ ауылынан Қызылорда облысына бағыт алған автобус жолда аударылған.
Автобус ішінде Пермь–Ташкент бағытымен жолға шыққан Өзбекстан Республикасының 49 азаматы болған.
"Жол апаты салдарынан 5 жолаушы оқиға орнында қаза тапты. 11 адам түрлі жарақаттарымен Әйтеке би аудандық ауруханасына жеткізілді", – делінген хабарламада.
Оқи отырыңыз: Астананың Байқоңыр ауданында бір қабатты павильон өртенді
Қазір оқиға бойынша сотқа дейінгі тергеу басталды. Жол-көлік оқиғасының нақты себептері анықталып жатыр.