Бүгін Құрылтайдың кезекті отырысында депутат Татьяна Савельеваның өкілеттігі мерзімінен бұрын тоқтатылды.
Орталық сайлау комиссиясының хатшысы Шавхат Өтемісовтің мәлімдеуінше, депутат бұл туралы өзі өтініш берген.
"Құрылтай Қазақстан Республикасы Конституциясының 55-бабының 4-тармағына және 56-бабының 12) тармақшасына, сондай-ақ Құрылтай Регламентінің 255-тармағына сәйкес Құрылтай депутаты Татьяна Савельеваның өкілеттігін мерзімінен бұрын тоқтату туралы қаулы қабылдады", – делінген ресми хабарламада.
Құрылтай төрағасы Айбек Дәдебай оған депутаттық корпус атынан алғыс айтып, жаңа жауапты қызметіне табыс тіледі.
Татьяна Савельеваның қандай қызмет тізгінін ұстайтыны әзірге белгісіз.
Еске салайық, Татьяна Савельева Құрылтайға дейін Мәжіліс депутаты қызметін атқарып, Қаржы және бюджет жөніндегі комитет төрағасы болды.
Тоқаев Халық Кеңесі мен Құрылтайдың міндеттерін түсіндірді
Құрылтайдың қарауына 53 заң жобасы өтті