Қазақстанда мұғалімдердің кәсіби мерекесінің датасы өзгереді

Оқу-ағарту министрлігі Ашық НҚА порталында Қазақстандағы мерекелік күндердің тізбесіне өзгерістер енгізу жөніндегі Үкімет қаулысының жобасын жариялады.

Оған сәйкес, енді Қазақстанда мұғалім күнін қазанның бірінші жексенбісінен нақты 5 қазанға ауыстыру жоспарланып отыр. Қолданыстағы ҚР мерекелік күндердің тізбесінде "Мұғалім күні" кәсіби мерекесі қазан айының бірінші жексенбісіне белгіленген.

Министрліктің түсіндіруінше, бұл өзгерту президент Қасым-Жомарт Тоқаевтың 2022 жылғы 30 желтоқсандағы тапсырмасын орындау мақсатында енгізілмек.

Оқи отырыңыз: 

• Алматыда мұғалімдердің орташа жалақысы 320 мың теңгеге жетеді
• Мәжіліс депутаты: Ауылда жалған дипломмен сабақ беретін мұғалімдер көп

Қаулы жобасы 16 ақпанға дейін жария талқылауға ұсынылған.