Мәжіліс депутаты: Ауылда жалған дипломмен сабақ беретін мұғалімдер көп

Мәжіліс депутаты Жұлдыз Сүлейменова Facebook желісінде білім жүйесіндегі мәселелер туралы пікір білдірді.

Депутатың айтуынша, республиканың бірқатар өңірлерде жалған дипломмен жұмыс істейтін мұғалімдер көп. Тіпті, дипломды сатып алған мұғалімдерді құзыретті органдар анықтаған. Бұл туралы Оқу-ағарту министрлігінің ресми статистикасы да бар.

"Әсіресе, ауыл аймақтарда мұндай жағдайлар өте көп. Сондай-ақ, ауылдық жерлерде техникалық қызметкерлер ретінде жұмысшылар да сырттай білім алып, қазір математика, физика, биологиядан мұғалім ретінде сабақ беруде. Базалық білімі жоқ, дипломды сырттай немесе сатып алған, жалған дипломмен жұмыс жасап жүрген мұғалімдер 40 минутты сапалы игере алады деп ойлайсыздар ма?" – деді депутат Жұлдыз Сүлейменова.

---

Оқи отырыңыз: Шымкентте мұғалімді жұмысқа тұрғызу үшін ақша алған әйел ұсталды

---

Еске салайық, мәжіліс депутаты бұған дейін білім қызметкерлерін сынайтын блогерлер мен журналистер алдымен мектепке келіп, 40 минут сабақ беріп көруі туралы пікір айтқан болатын. Бұл әлеуметтік желіде қызу талқыланды.