ҚР Оқу-ағарту министрлігінің баспасөз қызметінің мәліметінше, мектепке дейінгі ұйымдарда орындарды бөлуде ашықтық пен айқындықты қамтамасыз ету мақсатында жыл соңына дейін балабақшаға кезекке қоюдың бірыңғай деректер базасы әзірленетін болады.
"Жыл басынан бері елімізде 30 мың орындық 308 мектепке дейінгі ұйым ашылды. Сондай-ақ, соңғы 5 жылда балабақшаға жолдама алу кезегі екі есеге қысқарды. 2025 жылға дейін 2-3 жас аралығындағы балалар үшін тағы 223 мың орын ашу жоспарлануда", – деді Оқу-ағарту министрі Ғани Бейсембаев.
Жалпы, елімізде 11320 мектепке дейінгі ұйым бар. Онда 2-6 жас аралығындағы балалардың 89,1%-ы мектепке дейінгі тәрбиемен және оқытумен қамтылған.
Оқи отырыңыз: Қыркүйектен бастап 97 мың балабақша тәрбиешісінің жалақысы 30% өседі.
