Қазақстанда конструктор көліктерді заңдастыру басталды. Не білу керек?

22 мамыр 2023, 10:23 Авторға хат жазу قازاقشا Qaz

Азаматтар онлайн немесе арнайы ХҚКО-ға барып өтінім бере алады.

Қазақстанда автомобиль конструкторларды заңдастыруға рұқсат етілді. Заңдастыру 22 мамырда басталады, деп хабарлады Polisia.kz.

Құқық қорғау органдарының мәліметіне сәйкес, тұрғындар eGov арқылы өтінім беріп, электорнды түрде тіркеле алады. Ал өтінім қабылданбаса тікелей арнайы ХҚКО-ға жүгіну керек.

Қызметкер көлік құралдары құжаттарының дұрыстығын тексереді және көлік құралдарын критерийлеріне сәйкес келген жағдайда көлік құралын электрондық мақұлдау парағына енгізеді.

Өтініш беруші қайтадан онлайн өтінім бере алады. Электрондық мақұлдау парағы бойынша алдын ала тексеруден өтеді. Сарапшы-криминалист салыстыру үшін көлік құралын ұсынумен тексеру пунктіне жібереді.

Оқи отырыңыз: Қазақстанда конструктор-автокөліктерді заңдастыруға рұқсат берілді

Салыстырып, тексеруден сәтті өткеннен кейін өтініш беруші ХҚКО-ға барлық қажет құжатты, оның ішінде диагностикалық картаны ұсынады және мемлекеттік баж 200 мың теңге мөлшерінде алым төлейді.

Еске сала кетсек, заңдастыру 2023 жылдың 1 шілдесіне дейін жалғасады. ҚР Ішкі істер министрлігінің мәліметінше, акция басталғалы республика бойынша 107 мыңнан астам көлік заңдастырылған. Сонымен қатар 14 мыңға жуық конструктор-автокөлік анықталған.