Қазақстанда "әке квотсын" енгізу ұсынылды. Ол – әкелер ғана пайдалана алатын декреттік демалыс. Сарапшылардың жазуынша, бұл әкелерді бала тәрбиесіне белсенді қатысуға ынталандырмақ.
Қазақстандық қоғамдық даму институтының зерттеуінше, қазір әкелер бала тәрбиесі мен қарым-қатынас процесіне аналармен салыстырғанда аз қатысады. Мысалы, бос уақытты бірге өткізу, серуендеу, үй тапсырмасын тексеру, ауырған жағдайда баланы емдеу, балаларды балабақшаға, мектепке, үйірмелерге, спорт секцияларына, дәрігерге және тағы басқа жерлерге апару көбіне анасына жүктеледі. Мамандар мұны әкелердің көп жұмыс істеуімен байналыстырады.
"Әкелердің балалар тәрбиесіне және қарым-қатынас процесіне, сондай-ақ неке бұзылғаннан кейін кәмелетке толмаған балаларды экономикалық қолдауға жеткіліксіз қатысуы қазақстандық қоғамда әке болу институтын нығайту қажеттігін айғақтайды. Әкелердің бала тәрбиесіне атсалысуын күшейту үшін "әке квоталарын" (әкелер ғана пайдалана алатын декреттік демалыстың бірнеше аптасы) енгізу мәселесін қарастыру ұсынылады", – дейді сарапшылар.
Оқи отырыңыз: Қазақстанның бала тәрбиесі бойынша соңғы орында тұрғаны рас па? Аймағамбетов түсіндірді
Сауалнама деректері бойынша ата-аналардың 72,3 пайызы бос уақытты бірлесіп ұйымдастырады. Оның 21,5 пайызын – аналар, 3,4 пайызын – әкелер, 2,7 пайызын туыстары атқарады.
Қазіргі таңда "әке квоталары" Норвегияда табысты нәтиже көрсетіп, ерлердің бала тәрбиесіне қатысу деңгейін арттырған.
