Елжас Отыншиев "Қазақстан темір жолы" ҰК" АҚ басқарма төрағасы болып тағайындалды, деп хабарлады "Самұрық-Қазына" АҚ баспасөз қызметі.
Елжас Отыншиев Мәскеу физика-техникалық институтының "Жалпы және қолданбалы физика" мамандығы бойынша бакалавриат және магистратура бағдарламаларын тәмамдаған. Еңбек жолын 2007 жылы Ernst & Young компаниясының Мәскеу қаласындағы кеңсесінде бизнесті бағалау және мәмілелерді сүйемелдеу департаментінің консультанты ретінде бастаған.
2009-2019 жылдары "Самұрық-Қазына" АҚ мен оның еншілес компанияларында жұмыс істеді. 2021-2023 жылдары KIDF ұйымында басшылық қызметтер атқарып, инвестициялық портфельді басқару бағытына жетекшілік етті. 2023 жылы сәуірден бастап осы уақытқа дейін "Самұрық-Қазына" АҚ Стратегия және активтерді басқару жөніндегі басқарушы директоры – Басқарма мүшесі қызметін атқарды. 2024 жылғы ақпаннан бастап "Қазақстан темір жолы" ҰК" АҚ Директорлар кеңесінің мүшесі.
"Бұл – сіздің жеке жауапкершілігіңіз". Бектенов ҚТЖ басшысына ескерту жасады
Талғат Алдыбергенов "Қазақстан темір жолының" басшылығынан кетті