Қазақстан мектептерінде "информатика" пәнін виртуалды мұғалімдер жүргізеді

Министр мұның бағдарламалау саласындағы мамандар тапшылығын жою үшін жасалып отырғанын айтты.

Шығыс Қазақстан облысында жүзден астам мектепте "информатика және бағдарламалау" пәнін виртуалды ұстаздар жүргізіп жатыр. Осы пилоттық жоба жуырда Қазақстанның аталған пән бойынша мұғалім жетіспейтін барлық мектебіне енгізіледі, деп мәлімдеді ҚР цифрлық даму, инновациялар және аэроғарыш өнеркәсібі министрі Бағдат Мусин.

"Бағдарламалау саласында адам капиталын дамыту мақсатында "информатика пәнінің виртуалды мұғалімі" сынды түсінік енгізіледі. Кей аудан орталықтарында, ауылдық жерлерде информатика пәнінің мұғалімі жеткіліксіз екенін білесіздер. Олардың сапасы көңіл көншітерлік емес. Сол себепті осы проблеманы шешу үшін "информатика және бағдарламалау" пәні онлайн жүргізіледі. Оның үстіне бұл – онлайн өткізуге барынша икемделген пән. Осындай пилоттық жоба Шығыс Қазақстан облысының 150 мектебінде жақсы жүзеге асып жатыр. Бұл тәжірибені барлық өңірде қолданатын боламыз. Өйткені, балалардың ара қашықтық кедергісіне қарамай, сапалы білім алуы маңызды", – деді Бағдат Мусин.

Мұнымен қатар, министр халыққа қызмет көрсету орталықтарында мемлекеттік қызметтерді жылдам және сапалы алу мақсатында цифрлық ХҚКО енгізілетінін айтты. Яғни тұрғындар кез келген қызметті Whats App желісінде бейне қоңырау арқылы ала алады.

"Яғни кез келген азамат мүмкіндігіне, әлде бір жағдайға байланысты цифрлық технологияны қолдана алмай жатса, онда ХҚКО қосымшасын смартфонына жүктеп, WhatsApp арқылы қоңырау шала алады. Қызметті сол жерде тікелей алатындай етіп жасаймыз", – деп қосты Бағдат Мусин.

Сондай-ақ, министр ХҚКО-ның қызметтік модельге көшетініне тоқталды. Яғни, тұрғындар ХҚКОөға кіреді, бірақ негізінен цифрлық технологияға көшу, бейімделу бойынша сұрақтарына жауап алады.

Жаңалықты жарнамасыз оқыңыз. iOS және Android жүйесіне арналған informburo.kz мобильді қосымшасын жүктеңіз.

Бөлісу:

  Егер мәтінде қате болса, оны белгілеп, Ctrl+Enter батырмасын басыңыз

  Егер мәтіндегі қатені смартфонда көрсеңіз, оны белгілеп, «Қатені хабарлау» батырмасын басыңыз

Серіктестер жаңалықтары