Қазақстандық төрттік мәреге үшінші болып жетті.
Қазақстан әйелдер құрамасы Жапонияда өтіп жатқан XX жазғы Азия ойындарында байдарка мен каноэде есуден қола медаль иеленді, деп хабарлайды ҰОК.
Қазақстандық спортшылар әйелдер арасындағы төрттік байдаркамен 500 метрге ескек есуден А финалында бақ сынады. Ұлттық құрама сапында Ольга Шмелева, Стэлла Суханова, Татьяна Токарницкая және Эвелина Костенко өнер көрсетті.
Қазақстан құрамасы 500 метр қашықтықты 1 минут 37,005 секундта бағындырып, үшінші орынға ие болды.
Жарыста алтын медаль Қытай құрамасына бұйырды. Қытайлық спортшылар қашықтықты 1:33,784 нәтижесімен аяқтады. Ал Өзбекстан құрамасы 1:36,561 көрсеткішпен күміс жүлдені еншіледі.