Перизат Қайратқа қатысты тергеу шаралары қашан аяқталады

Перизат Қайратқа қатысты тергеу шаралары аяқталуға жақын. Бұл туралы қаржы мониторингі агенттігі төрағасының орынбасары Жеңіс Елемесов мәлімдеді.

Қазіргі кезде қылмыстық кодекстің екі бабы - 190 (алаяқтық) пен 218 (қылмыстық жолмен келген табысты заңдастыру) бойынша тергеу шаралары жүргізіліп жатыр. 

"Наурыздың басында біз тергеу шараларын аяқтаймыз. Оны ресми түрде жариялайтын боламыз. Одан кейін тараптар іс материалдарымен танысады", – деді Жеңіс Елемесов мәжілісте өткен брифингте.

Оның айтуынша, қылмыстық істер 100 томнан тұрады. Бұдан бөлек, заттай дәлелдер бар. Заң бойынша іс материалдарымен танысу мерзіміне шектеу қойылмайды. 

Тараптар барлық материал мен дәлелелмен танысқаннан кейін ғана сот отырысы өтетін күн белгіленеді.