Наурыз айында қандай мерекелер бар және қазақстандықтар неше күн демалады?

Қазақстандықтар 2023 жылдың наурыз айында 12 күн демалады және 19 күн жұмыс істейді. 

Наурыз айында төрт мереке мен мейрам бар (екеуі кәсіби мереке болып саналады): 

• 1 наурыз, сәрсенбі – Алғыс айту күні;
• 8 наурыз, сәрсенбі – Халықаралық әйелдер күні;
• Наурыздың екінші сенбісі, яғни 11-і күні – Жерге орналастыру, геодезия және картография күні;
• 21-23-сі күндері – Наурыз мейрамы. 

Оқи отырыңыз: "Амалмен шатастырмау керек". Зейнеп Ахметова Наурыз мерекесі туралы

Мереке күндер негізінен аптаның ортасына түсетіндіктен, жұмыс күндері қысқарады. 

• аптасына бес күн жұмыс істейтіндер: 6, 7 күндері жұмыс істейді,  8 наурызда – демалады, 9-10 наурыз жұмысын жалғастырады;
• аптасына алты күн жұмыс істейтіндер: 6, 7 күндері жұмыс істейді, 8 наурызда – демалады, 9, 10, 11 жұмысын жалғастырады. 

Мұнымен қатар:

• аптасына бес күн жұмыс істейтіндер: 20 наурызда жұмыс істейді, 21, 22, 23 наурызда демалады, 24 наурызда жұмысқа оралып, сенбі-жексенбі демелады;
• аптасына алты күн жұмыс істейтіндер: 20 наурызда жұмыс істейді, 21, 22, 23 наурызда демалады, 24, 25 наурызда жұмысқа оралып, жексенбі демалады. 

Оқи отырыңыз: Аймағамбетов: Наурызда кешірімді болу мен мейірімділік таныту өте маңызды

Осылайша қазақстандықтар наурыз айында 12 күн демалады. 

Бұдан өзге, Қазақстан мұсылмандары діни басқармасының шариғат және пәтуа бөлімі жариялаған 2023 жылғы діни күндер кестесінің негізінде биыл қасиетті Рамазан айы 23 наурызда басталып, 20 сәуірде аяқталады.