Мектеп түлектері ҰБТ-да қандай қателіктерді жиі жасайды?

Ұлттық бірыңғай тестілеу 5 маусымға дейін жалғасады. Талапкерлер жиі жіберетін қателіктер туралы ұлттық тестілеу орталығының директоры Руслан Емелбаев "Басты тақырып" бағдарламасында айтты.

Оның айтуынша, талапкер ҰБТ-ға өзімен қалам ғана алып кіруге болады. Қалған заттардың барлығына тыйым салынады. 

"Тестілеу кезінде үзіліс беріледі. Сол үзілісте кейбір оқушылар сұрақ жауабын білгісі келіп, қолына немесе қағазға жазып алады. Сондай оқиға орын алса, нәтиже бірден жойылады. Тағы бір жиі кездесетін қателіктердің бірі –  ҰБТ аяқталған соң шығарда қағазға сұрақтарын жазып, алып шығады. ҰБТ-ға қаламмен кіргендіктен, тек сонымен ғана шығу керек", – деді Руслан Емелбаев.