Қайғылы оқиға кезінде қайтыс болғандардың саны 14-ке жетті.
Маңғыстау облысында әскери оқу-жаттығу кезінде суға ағып кеткен әскери қызметшілерді іздестіру жұмыстары аяқталды. Бұл туралы Қорғаныс министрлігі хабарлады.
"Бүгін, 25 қыркүйек сағат 09:15 шамасында үздіксіз жүргізілген іздестіру-құтқару жұмыстары барысында бұған дейін із-түзсіз жоғалған екі әскери қызметшінің – сержант Мансұр Гумаров пен матрос Мирас Тұрдыбекұлының денесі табылды", – делінген министрліктің хабарламасында.
Осылайша, суға аққан 17 әскери қызметшінің 14-і қайтыс болды. Тек үш әскери қызметші ғана аман қалды.
Еске салайық, қайғылы оқиғаға қатысты Қылмыстық кодекстің 453-бабының 2-бөлігі — "Ауыр зардаптарға әкеп соққан қызметке салғырт қарау" және 465-бабы — "Кеме жүргізу қағидаларын бұзу" бойынша қылмыстық іс қозғалды.
Каспийдегі қасірет. Қызметіне салғырт қараған лауазымды тұлғалар анықталды – Бас прокуратура
Қазақстанда 25 қыркүйек жалпыұлттық аза тұту күні болып жарияланды