Қызылорда облысында Qnet қаржылық пирамидасын ұйымдастырған үш күдікті қамауға алынды

21 қараша 2023, 12:35 Зарина Қаһарман Авторға хат жазу قازاقشا Qaz

Жәбірленушілер компанияға 840 000 теңге және 1 200 000 теңге көлемінде қаржы салған.

Қаржылық мониторинг агенттігінің Қызылорда облысы бойынша департаменті "Qnet" қаржы пирамидасымен айналысқан 3 күдіктіні қамауға алды. Бұл туралы ҚР Қаржылық мониторинг агенттігі мәлімдеді.

"Күдіктілер Қызылорда қаласының аумағында «Qnet» компаниясының құрылымдық бөлімшесін ұйымдастырған азаматтар желілік маркетинг және электрондық коммерция деген желеумен Қызылорда қаласының 35 тұрғынынан 2019-2022 жылдың қаңтар айы аралығында 44 млн теңгеге жуық көлемде ақша қаражаттарын тартқан", – деп жазылған хабарламада.

Тергеу барысында жәбірленушілердің компанияға 840 000 және 1 200 000 теңге көлемінде қаржы салғаны анықталды. Сот санкциясы негізінде үш күдікті қамауға алынды.

Оқи отырыңыз: Finiko қаржылық пирамидасының ісі бойынша үш адам қамауға алынды