18-24 маусымда астанада жалдамалы баспана иесі атанған тұрғындардың есімі белгілі болды. Осал топтағы азаматтарға 117 пәтердің кілті берілмек.
Сатып алу құқығынсыз жалға берілетін тұрғын үй бағдарламасы арқылы баспаналы болғандардың тізімін zhilfond.kz сайтынан көруге болады.
Әлеуметтік осал топтар санаты бойынша 1 бөлмелі пәтерге – 2009 жылдың 11 ақпаны, 2 бөлмелі пәтерге – 2010 жылдың 5 ақпаны, 3 бөлмелі пәтерге – 2008 жылдың 18 тамызына дейін кезекте тұрғандар ие болды.
Оқи отырыңыз: Жаңа "10-20-20" ипотекасы: Негізгі шарттары қандай?
Сондай-ақ, жетім балалар санаты бойынша 1 бөлмелі пәтерге – 2010 жылдың 21 мамырына дейін, 2 бөлмелі пәтерге – 2012 жылдың 8 тамызына дейін, 3 бөлмелі пәтерге – 2012 жылдың 13 шілдесіне дейін кезекте тұрғандар өтті.
Бағдарлама бойынша өтпеген азаматтарға тұрғын үй қызметкерлері хабарласып, ары қарай не істеу керегінен хабардар етеді.
