Тікелей эфир

"Елорда жастары" ипотекасына өтініштер 30 мамырдан бастап қабылданады

Биыл Астана жастарына 200-ге жуық тұрғын үй несиесі беріледі.

2023 жылы "Елорда жастары" тұрғын үй бағдарламасына өтініштер 30 мамыр мен 6 маусым аралығында qatysu.zhilfond.kz сайтында қабылданады, деп хабарлады Отбасы банкі.

Бағдарламаға Астанада тұратын жас мұғалімдер, дәрігерлер, журналистер, мәдениет саласының қызметкерлері, спортшылар, ЖОО ұстаздары мен ғылыми қызметкерлер, әлеуметтік сала мен коммуналдық қызмет қызметкерлері, полиция департаменті мен ТЖҚ қызметкерлері, сондай-ақ Астана қаласы бойынша тұрғын үй кезегіне тіркелген жетім балалар қатыса алады. 


Оқи отырыңыз: "7-20-25", "Бақытты отбасы" және өңірлік ипотекалар. 2023 жылы қалай баспана алуға болады?


"Елорда жастары" жобасы бойынша қарыз алушылардың жасы 35-тен аспауы тиіс. 

"Аталмыш бағдарламаны жүзеге асыруға Астана қаласы әкімдігі 1,5 млрд теңге, Отбасы банк 1,5 млрд теңге бөліп отыр. Бұл қаражат бағдарламаның 200-ге жуық қатысушысын несиелендіруге көмектеседі" делінген Отбасы банкінің хабарламасында. 


Оқи отырыңыз: 


Еске салайық, "Елорда жастары" қатысушыларына келесі талаптар қойылады:

  • Өтініш берген уақытта қатысушының жасы 35-тен (қоса алғанда) аспауы тиіс.
  • Қатысушының және онымен бірге тұратын отбасы мүшелерінің соңғы 1 жыл ішінде Астана қаласында үздіксіз тұрақты тіркеуі болуы қажет;
  • Қатысушының Отбасы банкінде сатып алатын баспана құнының 10% мөлшеріндегі алғашқы жарнасы бар депозиті болуы тиіс (салымның бар екендігі туралы анықтама немесе шот бойынша үзінді көшірме).
  • Соңғы 5 жыл ішінде бағдарламаға қатысушы мен оның отбасы мүшелерінің ҚР аумағында сатып алу құқығымен жалдамалы тұрғын үйі немесе меншік құқығында тұрғын үйі болмауы қажет.
  • Қатысушының өтініш берген кезде кемінде соңғы бір жыл ішінде Астана қаласында таңдалған саласында ресми жұмыс тәжірибесі болуы тиіс. Ол зейнетақы шотының үзінді көшірмесімен расталады.  
  • Отбасының 1 мүшесіне шаққандағы соңғы 6 айдағы табыс 6 ең төменгі күнкөріс деңгейінен немесе 243 402 теңгеден аспауы тиіс (зейнетақы жарналары, жеке табыс салығы және басқа да міндетті жарналарды қоспағанда);
  • Бағдарламаға ерлі-зайыптылардың біреуі ғана қатыса алады.
Біздің Telegram-каналдағы ең көп оқылған жаңалықтар
Серіктестер жаңалықтары