Елорда мәслихаты Нұр-Сұлтан қаласының атауын Астана деп өзгертуді қолдады.
Тілдерді дамыту және архив ісі басқармасының басшысы Сәкен Есіркеп елорда атауын өзгерутге қатысты әлеуметтік желіде көптеген мәлімдеме болып жатқанын айтты.
"Биыл жыл басынан бері Тілдерді дамыту және архив ісі басқармасына және қалалық ономастика комиссиясына Нұр-Сұлтан қаласының атын Астана қаласы деп өзгерту туралы ресми 17 ұсыныс түсті. Жуырда мәжілістегі "Жаңа Қазақстан" депутаттар тобы да арнайы депутаттық үндеу жасап, еліміздің бас қаласын Астана деп қайта өзгерту туралы ресми ұсыныс білдірді. Осы мәселелердің бәрін ескере отырып, 14 қыркүйек күні қалалық ономастика комиссиясының отырысын өткіздік. Комиссия шешіміне сәйкес, Нұр-Сұлтан қаласын Астана қаласы деп атау туралы ұсынысты қолдадық", – деді Сәкен Есіркеп.
Басқарма басшысы аталған мәселеге қатысты қалалық мәслихаттың тұрақты комиссияларының көпшілік тыңдауы өткенін айтты. Тыңдау қорытындысына сәйкес ұсынысқа оң қорытынды берілгенін айтты.
Елорда мәслихатының депутаттары Нұр-Сұлтан атауын өзгерту туралы шешімді қолдады.
- Депутаттардың ұсынысы бойынша астананың бұрынғы атауы қайтарылады
- Қазыбек Иса: Астананың атын қалай өзгертуді халықтан сұраған жөн
- Елордаға Астана атауын қайтару ұсынылды
