Депутаттардың бұл бастамасы туралы президент хабардар, деп хабарлады президенттің баспасөз хатшысы Руслан Желдібай.
"Парламенттегі депутаттар тобы елорданың бұрынғы Астана атауын қайтару туралы ұсыныс білдіргені мәлім. Депутаттардың бұл бастамасы туралы президент хабардар. Халық қалаулылары, өз кезегінде тұрғындармен кездесулерде айтылған ұсыныстарға, сондай-ақ референдум кезінде азаматтардың көптеген өтініштеріне сүйенді", – деп жазды мемлекет басшысының баспасөз хатшысы.
Мәжіліс депутаттарының ұсынысы мемлекет басшысының келісімімен Конституциялық заң жобасына енгізілді.
"Президент Қазақстанның қазіргі мемлекеттілігін нығайтуда және елорданың іргесін қалауда Нұрсұлтан Назарбаевтың шешуші рөл атқарғаны тарихи факт деп санайды. Сондықтан иұңғыш президент атындағы басқа да нысандар өз атауларын сақтап қалуы тиіс", – делінген хабарламада.
Оқи отырыңыз: Елордаға Астана атауын қайтару ұсынылды
