Екі ұлттық паркте қар барысы фототұзаққа ілікті

Қар барыстары бірден екі ұлттық паркте видеоға түсіп қалды, деп хабарлады Орман шаруашылығы және жануарлар дүниесі комитетінің баспасөз қызметі.

Жыртқыш 9 ерекше қорғалатын табиғи аумақта мекендейді. Осы жолы олар Алтын-Емел және Сайрам-Өгем  ұлттық парктерінде орнатылған фототұзақтарға түскен.

"Аталмыш жануар Халықаралық табиғатты қорғау одағының (IUCN) қызыл тізіміне енгізілген. Қар барысы 12 елде мекендейді және оның барлығында сирек кездесетін немесе құрып кету қаупі төнген түр болып танылған", – деп жазылған хабарламада.

Қазір елімізде шамамен 140-180 қар барысы бар.

---

Оқи отырыңыз: "Көлсай көлдері" ұлттық паркінде қар барысы фототұзаққа ілікті