Дүниежүзілік банк болжамы: Студенттердің қашықтан оқуы әлем экономикасына 2 млрд доллар шығын әкеледі

85 миллион жұмыс орны арнайы мамандар көмегімен автоматтандырылады.

Covid-19 пандемиясы кезінде зиян шеккен студенттердің болашақта алатын табысы 2,9% қысқаруы мүмкін. Бұл олардың локдаун кезінде онлайн форматта білім алып, көптеген ақпараттың қолжетімсіз болуымен байланысты, деп мәлімдеді "ЕРДО" АҚ директоры Александра Молчановская.

"Алдағы уақытта 85 миллион жұмыс орны арнайы мамандар көмегімен автоматтандырылатын болады. Бұл автоматтандыру процесі өңдеу, көлік және банк қызметіне байланысты. Бүгінгі таңда қарапайым банкомат пен ұялы телефон банк операторының міндетін алып отыр. Мамандар санына қатысты қысқару болады десек те, жаңадан құрылатын жұмыс орындарының саны олардан да көп болады. Бірақ бұрынғы жұмыстарға қарағанда әлдеқайда қиын. Өйткені, қызметкерден басқа дағдылар талап етіледі. Жалпы сұранысқа ие маман болу үшін үздіксіз білім алуға дайын болу қажет. Тіпті, өмір бойы білім алуға десек те болады. Ал кейбіреуінің мамандығын түбегейлі ауыстыруына тура келеді", – деді Александра Молчановская.

Әрі қарай орталық директоры әлемде және Қазақстанда жастар санының артып келе жатқанына тоқталды. Осы жастар қазіргі дағдарыс жағдайында пандемияның таралуына қарсы шектеу шаралары, оқу, оқытудың жаңа форматына бейімделу жəне білім беру ресурстарына қолжетімділік тұрғысынан үлкен қиындықтарға тап болды. Оларға қатысты "локдаун ұрпағы" деген халықаралық ұғым пайда болды. 

"Пандемия кезінде жастардың алдынан шыққан қиындықтар болашақта олардың еңбек нарығында жұмысқа орналасу мүмкіндіктерін шектеуі мүмкін. Дүниежүзілік банктің бағалауы бойынша, болашақта Қазақстанда Covid-19 пандемиясынан зиян шеккен студенттердің кірісі шамамен 2,9% қысқарады. Бұл 1,9 миллиард АҚШ доллары көлемінде жалпы жылдық экономикалық шығындарға алып келеді", – деді Александра Молчановская.

Бұдан өзге "ЕРДО" АҚ президенті Дәулет Арғандықов өнімділік төмен салаларда табыс аз байқалатынын айтты. Бұл – ауыл шаруашылығы, сауда-саттық, тұрғын үйге қатысты қызмет, тамақтану саласы. Аталған салаларға инвестиция аз келетіндіктен, оларда технология мен адам капиталы жеткіліксіз. 

Еске салсақ, еңбек ресурстарын дамыту орталығы елдегі әрбір төртінші түлектің мамандықты ата-ана қалауымен таңдайтынын хабарлаған еді. Сондай-ақ, орталық директоры қазіргі таңда ең жоғары сұранысқа ие 5 мамандықты атады.

Читайте новости без рекламы. Скачайте мобильное приложение informburo.kz для iOS или Android.

Поделиться:

 Если вы нашли ошибку в тексте, выделите ее мышью и нажмите Ctrl+Enter

Серіктестер жаңалықтары