Дастан Сәтпаев жолдастық кездесуде "Челси" үшін алғашқы голын соқты.
Қазақстандық жас футболшы Дастан Сәтпаев Англияның "Челси" клубының негізгі құрамында алғаш рет алаңға шығып, дебюттік ойынында-ақ гол соқты. Ол жолдастық кездесудің 6-минутында мергендігімен көзге түсті.
17 жастағы Дастан Сәтпаев Аустралияның Сидней қаласында өтіп жатқан маусым алдындағы дайындық аясындағы жолдастық кездесуде "ВС Уондерерс" командасына қарсы алаңға шықты.
Қазақстандық шабуылшы өзіне берілген алғашқы мүмкіндікті тиімді пайдаланып, матчтың 6-минутында қарсыластар қақпасын дәл көздеді.
Айта кетейік, "Челси" мен "ВС Уондерерс" арасындағы жолдастық матч маусым алдындағы дайындық бағдарламасы аясында өтіп жатыр. Дастан Сәтпаев алдағы тамыз айында кәмелет жасына толғаннан кейін ресми түрде лондондық клубтың ойыншысы атанады.