Премьер-министр Олжас Бектенов құрылтай депутаттарының сауалына орай, 16 жасқа дейінгі балалардың әлеуметтік желіге тіркелуін шектеу туралы жауап берді.
Үкімет басшысының айтуынша, он алты жасқа дейінгі пайдаланушыларды онлайн-платформаларда тіркеуді реттеуге байланысты заңға енгізілуі тиіс түзетілер әзірленіп, Құрылтайдың қарауына ұсынылған.
"Заңнамалық түзетулер қабылданғаннан кейін онлайн-платформаны пайдаланушылардың жасын растаудың арнайы қағидалары әзірленеді (жауапты мемлекеттік органдар – Мәдениет және ақпарат, Жасанды интеллект және цифрлық даму министрліктері). Әзірлеу барысында онлайн-платформалардың қолданылып жүрген тетіктері, жасанды интеллект көмегімен сәйкестендіру, қаралатын контент пен пайдаланушының белсенділігі ескеріледі. Бүгінгі таңда онлайн-платформаларда тиісті технологиялық мүмкіндіктер бар", – делінген Олжас Бектеновтің жауабында.
Заң қабылданған жағдайда оны жүзеге асыру үшін белгілі бір уақыт қажет болады. Бұл өтпелі кезеңде 16 жасқа дейінгі онлайн-платформаны пайдаланушылардың қолданыстағы аккаунттары уақытша тоқтатылады.
Оқи отырыңыз:
Балаларды әлеуметтік желіден қорғау: депутат Үкіметке төрт ұсыныс жолдады
Балалардың әлеуметтік желіге тіркелуіне тыйым салу. Шетел тәжірибесі мен сарапшылар пікірі