Астанада Washington тұрғын үй кешені бұзылады: ақшаны үлескерлерге кім қайтарады?

Астана қалалық Әділет департаменті басшысының орынбасары Азамат Бердібеков қанша үлескер зардап шегетінін айтпағанымен, әрі қарай қалай әрекет ету керектігін атап берді. 

"Барлығы келісім-шартта қарастырылған. Үлескерлер өз бетінше келісім-шартты бұзуға немесе құзырлы органдарға жүгініп, салынған ақшаны қайтаруға құқылы", – деді ол.

Бұған дейін желіде  Дублин тұрғын үй кешенін бұзуға кедергі келтірген жүргізушінің видеосы тараған еді. Қала басшысы бұл жағдайға қатысты пікір білдірді.

"Салынып жатқан тұрғын үй кешенінің қоршауын бұзу барысында арнайы техника жүргізушісі бұзу жұмыстарын жүргізіп жатқандарға кедергі жасап, қауіп төндірді. Полиция қызметкерлері оған заңсыз әрекеттері туралы ескерткенімен,жүргізуші бағынбады. Арнайы техника жүргізушісіне қатысты полиция қызметкерінің заңды талабына бағынбағаны үшін әкімшілік іс қозғалды. Соңғы шешімді сот қабылдайды",– делінген хабарламада.