Құрылыс иесі бұйрыққа қарамастан тұрғын үй салу жұмыстарын жалғастырған.
Бұл туралы Астананың әділет басқармасы хабарлады.
Нысан Есіл ауданындағы Бөкейхан, 13 мекенжайында салынып жатыр. Қаңтар айында Астананың экономикалық соты борышкерге жұмысты тоқтатуға міндеттеді,
"Астанада Washington тұрғын үй кешені рұқсатсыз салынып жатыр. Ақпан айында сот орындаушы құрылыстың жалғасқанын анықтады. Борышкерге 138 мың теңге айыппұл салынып, әкімшілік жауапкершілікке тартылды", – деп хабарлады қалалық әділет департаментінің баспасөз қызметі.
5 сәуірде сот орындаушы тағы да құрылыс жұмыстарының жалғасқанын анықтап, айыппұлды өндіру туралы арызды экономикалық сотқа жіберген.
