Статистика Covid-19 в Казахстане: Заразились: 1 061 432 Умерли: 13 081
Коронавирусная пневмония: Заразились: 84 733 Умерли: 5 237

Алматының бас санитары: Коронавирустың таралуы шарықтау шегіне наурызда жетеді

Пессимистік сценарий бойынша тәулігіне 3 800 жағдай тіркеледі.

Алматы қаласында өзіне жұмыс істейтін және жұмыссыздар арасында коронавирус жұқтыру 9,3% ұлғайды, деп мәлімдеді қалалық санитариялық-эпидемиологиялық бақылау департаменті басшысының міндетін атқарушы, қаланың бас мемлекеттік санитар дәрігері Қарлығаш Әбдіжаббарова.

"Қалада коронавирус таралуының кезекті шарықтау шегі наурыз айында болады. Оптимистік сценарийге сәйкес, наурыз айының ортасында тәулігіне 2500 жағдай, ал пессимистік сценарий бойынша тәулігіне 3 800 жағдай тіркеледі. Сондай-ақ, адамдардың қандай форматта жұмыс істейтініне байланысты ауру жұқтыру деңгейіне талдау жүргіздік. Ол өзіне жұмыс істейтіндер мен жұмыс істемейтіндер арасында коронавирус жұқтыру 31%-дан 40,3%-ға дейін ұлғайғанын көрсетіп отыр", – деді Қарлығаш Әбдіжаббарова.


Оқи отырыңыз: 


Ұйымдар, ЖШС, ЖК қызметкерлері арасында жұқтыру 26% деңгейінде қалыпты қалған. Сондай-ақ, зейнеткерлер арасында 15%-дан 12%-ға дейін, балалар арасында 4,6%-дан 3,5%-ға дейін төмендегені байқалады.

"Әлемнің жетекші ғалымдары мен сарапшыларының деректері бойынша, қолданыстағы вакциналармен ревакцинация "Омикрон" штамы әсерінен болатын ауырсынудан 70% қорғайды. Бүгінгі күні Алматы қаласында КВИ-ге қарсы иммундық қабат шамамен 60%-ды құрайды. Дәлірек екпе салдырғандар – 51,3% және коронавируспен ауырып шыққандар – 8,2%. Бірақ бұл әлі де жеткіліксіз болып отыр. Осыған байланысты, азаматтар екпе салдырып, ал вакцина алғандары 6 айдан кейін ревакцинациялануы қажет", – деді Қарлығаш Әбдіжаббарова. 

Еске салсақ, Алматы қаласында 20-40 жастағылар арасында коронавирус жұқтырудың 16,4% артқаны туралы хабарлаған едік. 

Серіктестер жаңалықтары